Akte, waarbij het Hof van Holland het besluit om de defensie van Gouda te financieren door een gedwongen lening en bijdragen van de poorters goedkeurt.
Akte
Alsoe die Burgemeesters ende regierders der stede vander Goude den houe van
hollant by regueste verthoont hebben dat die selue stede tot gemeen defensie van haer burgers zoe geestelick als waerlick, ende byzonder om te houden een
goede wacht nu onlancx groote excessiue costen gehadt heeft Immers meer dan die jaerlicxe Jncommen vanden seluen stede hebben moegen supporteren vuyt oirzake
vande welcke zy suppleren by aduyse vande vroetschappe goet ende oirbaer beuonden hebben dat elck burger tzy geestelick oft waerlyck daertoe nae zyn macht faculteyten
eenige penningen by leeninghe zoude opbrengen ofte furneren ende voortaen elcx voor zyn hoofft contribueren tot onder houdinge vanden voorseide wacht waervan nyemant
vande poorters exemptien deurdien deen nyet meer schuldich es mit zyn goet ende bloet die voorseide stede te defenderen dan dandere maer moet zulcke defensie stale/strale? wesen
..uaele? noch deen daervan meer vrydoms ofte exemptie pretenderen dan dander als nae rechten meer dan notoir es Twelck mede het meestendeel vande burgers
des die macht hebbende oick zulcx verstaende, hadden goedtwillichlick heur contingent vande voorseide Leeninge gefurneert ende betaelt gehadt, ende voorts wel te
vreden zyn die voors wacht tot heuren costen Jnt gelyck te helpen onderhouden, als zylieden tot nochtoe gedaen hebben Dan eenige quaetwilligen die hen daertegens
schynen te willen opposeren nergens toe en willen verstaen nyet tegenstaende zylieden daerdeur zoewel bewaert ende beschermpt worden Als doen die [xxxx?]
goedtwillige Twelck gemerct zulcx nyet en behoorde versochten daeromme die voorseide supplementen oitmoedelick vanden voorseide houe behoorlick acte waerby
die voorseide geconcipieerde Leeninge ende ordonnantie op die contributie van de voorseide wacht ende andere nootelicke costen tot gemeen defensie als vooren gemaect
geapprobeert zoude worden Soe ist dat t voorseide hoff omme redenen bouen verhaelt, ende op dat deur quaet toesien ende quaede wacht te houden egheene
Jnconuenienten en gebeuren, die voorseide geconcipieerde Leeninge ende ordonnantie opde contributie van de voorseide wacht ende andere nootelycke lasten tot gemeene
defensie der voorseide stede ende Jnwoonders vandien Geapprobeert heeft ende approbeert tvoorseide hoff deselue mitsdesen Ende ten eynde die voorseide geconcipieerde
Leeninghe ende ordonnantie behoorlicken geeffectueert mach worden heeft t voorseide hoff den Schoudt der stede vander Goude geauctorizeert ende auctorizeert hem
tzelue hoff mitzdesen omme by aduyse vande Burgemeesters ende regierders vander Goude voorseid Eerlycken ende by Leyten? die voorseide quaetwillige tzy geestelycke
ofte waerlycke te bedwingen elcx zyn contingent vande voirszeide Leeninghe dairop sy geset es op te brengen ende te betaelen Ende voorts pro rata te helpen onderhouden die voorseide
nootelycke wacht in dese turbulente tyden ende oick te draegen die sulcke andere nootelycke costen als die voorseide stede extraordinarie tot defensie van den
Burgers der voorseide stede van doene zal hebben
Gedaen Jnden haege den xiiijen Juny xvc Tweentzeuentich Jn kennisse van my
hertaling